POLÍTICA DE USO DE CONTAS “G SUITE FOR EDUCATION”IES Lauro Olmo
As contas de G Suite para Educación son proporcionadas co obxecto de apoiar as funcións de comunicación e traballo de todo o persoal, alumnado e familiares no IES LAURO OLMO segundo o acordo con Google ao activar o dominio en G Suite Education, que é un conxunto de solucións de software que Google ofrece gratuitamente aos centros educativos baixo o modelo de computación na nube “Software as a Service” (Software como Servizo).
O acceso a estes recursos está condicionado á aceptación da Política de Uso por parte do usuario, en caso de persoal propio do centro e en caso do alumnado dos titores legais do mesmo ao tratarse de menores de 18 anos, aos que se lles proporciona a conta.
As contas institucionais encóntranse baixo a plataforma dotada por G Suite, e inclúe os seguintes servizos integrados: Gmail, Google Calendar (calendarios partillados), Google Drive (aloxamento de documentos, follas de cálculo e colaboración online), Google Sites (deseño e publicación de sitios en equipo), Hangouts e Meet (sistema de mensaxaría e videoconferencia), Jamboard (pizarra dixital online) e Classroom (entorno virtual de aprendizaxe).
A diferenza das contas que ofrece Google, os servizos baixo o dominio ieslauroolmo.org e os subdominios correspondentes, son servizos administrados polo IES LAURO OLMO. Escolleuse esta plataforma de comunicación e traballo colaborativo por varias razóns entre as que destacamos:
- Alta dispoñibilidade do servizo 99%
- Integración de aplicacións de produtividade e colaboración con e-mail proporcionando un ecosistema de traballo corporativo.
- Gratuidade aínda contando coas mesmas condicións de servizo G Suite.
- Elevada operatividade ao ser unha solución válida para dispositivos móbiles.
- Accesibilidade desde navegador web, sen necesidade de instalar software extra.
- Dispor dunha ferramenta (Classroom) para a xestión da aprendizaxe.
- Ofrecer un sistema de mensaxaría e videoconferencia multiusuario para reunións telemáticas integrado co resto de aplicacións de comunicación e produtividade.
- Espazo ilimitado de almacenamento para todas as aplicacións.
Os administradores do dominio son as persoas do IES LAURO OLMO que baixo a supervisión do equipo directivo administran G Suite. Serán os encargados da administración e xestión de contas e aplicacións no Panel de Control.
O conxunto de aplicacións principais de G Sutie descríbese en
http://www.google.com/enterprise/apps/education/products.html
O acceso das contas de G Suite institucionais realízanse de forma unificada en:
As contas de G Suite do IES LAURO OLMO constitúen un servizo a docentes, persoal de administración e servizos, alumnado e aos seus familiares que cursan neste centro ensino regrado.
As contas de G Suite do IES LAURO OLMO serán creadas e utilizadas de acordo coas condicións establecidas no acordo subscrito entre o IES LAURO OLMO e Google. Os termos do acordo xenérico “G Suite” poden consultarse no sitio web de G Suite, na páxina: http://www.google.com/apps/intl/es/terms/education_terms.html
As contas de G Suite do IES LAURO OLMO só poderán ser utilizadas polos docentes e persoal da administración e servizos que traballa no centro, e os alumnos e as súas familias que cursan ensino regrado no mesmo, en tarefas relacionadas coa súa actividade educativa.
A publicación e distribución de calquera tipo de contido mediante os servizos e aplicacións vinculadas ás contas de G Suite do IES LAURO OLMO deberá de realizarse de acordo coa lexislación vixente sobre protección de datos e carácter persoal.
Queda estritamente prohibido o uso das contas de G Suite do IES LAURO OLMO e de todos os servizos e aplicacións vinculados a elas, para actividades comerciais ou publicitarias.
As contas de G Suite serán, salvo excepcións, nominais, e responderán sempre a unha persoa física, podendo xestionarse “Alias” para asignar outras direccións por cargo ou grupo.
Todo oficio, invitación ou trámite que non requira sinatura e selo institucional, poderase encamiñar vía correo electrónico institucional.
As persoas usuarias e representantes legais son responsables de todas as actividades realizadas coas súa contas de acceso e a súa caixa de correo asociada ao IES LAURO OLMO.
É unha falta grave facilitar e ofrecer o acceso á propia conta a persoas non autorizadas; a conta é persoal e intransferible.
É responsabilidade de cada persoa usuaria garantir a protección dos datos contidos nas aplicacións de G Suite. Para isto poderán facer uso regular da aplicación Google Takeout ofrecido polo programa Data Liberation.
O IES LAURO OLMO poderá crear contas para a administración de backups, así como habilitar LDAP e Single Sing On para a autenticación con terceiros servidores.
O IES LAURO OLMO poderá dar de alta contas para o seu alumnado, para o que deberán seguir o procedemento que no seu momento se determine.
O uso de contas por parte do alumnado require manifestar a conformidade coa Política de Uso de Contas G Suite do IES LAURO OLMO por parte dos pais ou responsables legais do alumnado menor de 18 anos.
Cada persoa do alumnado só poderá ter unha única conta de G Suite do IES LAURO OLMO e o seu uso é exclusivo do ámbito escolar e educativo.
Cando o alumnado deixe de estar matriculado no IES LAURO OLMO, procederase a suspender ou eliminar a súa conta.
O uso da conta deberá respectar, en todo momento, as normas de convivencia do centro e o seu incumprimento pode levar aparellado a limitación de acceso á mesma.
O IES LAURO OLMO reserva o dereito a condicionar o uso das aplicacións segundo criterios pedagóxicos e a idade do alumnado.
No caso de haber indicios de que a conta dunha persoa entre o alumnado poida verse involucrada en casos graves de disciplina como ciberacoso, poderán ser intervidas, suspendidas ou supervisadas pola Dirección do centro.
As contas de G Suite do IES LAURO OLMO concédense a todo o persoal docente e persoal de administración e servizos en activo que traballan no noso centro. Estas contas teñen consideración de contas de traballo.
Cando un docente ou persoa de administración e servizos deixe de cumprir a súa condición de traballador en activo do centro, suspenderase ou darase de baixa a súa conta do IES LAURO OLMO. O contido do almacenado en G Drive será transferido a outra conta relacionada co ámbito (Ciclo, Área...)
O centro non recoñece e non se fai responsable do uso de contas persoais ou non institucionais por parte do profesorado e persoal de administración e servizos no desenvolvemento das tarefas e funcións que lle son asignadas e na comunicación interna e externa.
Cada persoa do profesorado do centro só disporá dunha única conta de G Suite do IES LAURO OLMO que revisará periodicamente.
En caso de indicios de faltas graves, o centro reserva o dereito a suspender ou intervir a conta do docente ou persoal de administración e servizos. Caso de intervención da conta, realizarase coa presenza da Dirección do centro (ou integrante do equipo directivo) e levantarase acta.
Todas as persoas empregadas con conta e os pais, titores ou representantes legais do alumnado con conta, deberán manifestar a súa conformidade coa presente Política de Uso das Contas de G Suite do IES LAURO OLMO.
Caso se advirta un incumprimento das condicións expostas sobre prestación do servizo, o IES LAURO OLMO reserva a potestade de desactivar ou dar de baixa calquera conta de G Suite do IES LAURO OLMO incluso sen aviso previo.
G Suite for Education é compatible co cumprimento de estándares rigorosos:
FERPA (Lei de Dereitos Educativos e de Confidencialidade da Familia).
Asociación da Industria do Software e da Información.
COPPA (Lei de Protección da Privacidade Infantil en Internet de 1998).
Promesa de Privacidade do Alumnado presentada polo Foro sobre o Futuro da Privacidade (FPF).
ISO/IEC 27018:2014 (estándares de datos)
Google ofrece unha Emenda para o Procesamento de Datos e as Cláusulas do Contrato Modelo (https://gsuite.google.com/terms/dpa_terms.html) como método adicional de seguridade e protección de datos que permite cumprir os requisitos de idoneidade e seguridade da Directiva de Protección de Datos do Parlamento Europeo e do Consello da Unión Europea.