POLÍTICA DE USO DE CONTAS “Google Workspace for Education”IES Lauro Olmo
As contas de Google Workspace for Education son proporcionadas co obxecto de apoiar as funcións de comunicación e traballo de todo o persoal, alumnado e familiares no IES LAURO OLMO segundo o acordo con Google ao activar o dominio @ieslauroolmo.org en Google Workspace for Education. As contas supoñen un conxunto de solucións de software que Google ofrece gratuitamente aos centros educativos baixo o modelo de computación na nube “Software as a Service” (Software como Servizo).
O acceso a estes recursos está condicionado á aceptación da Política de Uso por parte do usuario ao que se lle proporciona a conta, ou polos titores legais do mesmo no caso de menores de 18 anos.
As contas institucionais atópanse baixo a plataforma dotada por Google Workspace for Education, e inclúen os seguintes servizos integrados activados para tódolos usuarios: Gmail, Drive e Documentos (aloxamento de documentos, follas de cálculo, presentacións, formularios, contactos e colaboración online). O resto de servizos proporcionados por Google Workspace for Education están desactivados para todos os usuarios.
A diferenza das contas que ofrece Google, os servizos baixo o dominio ieslauroolmo.org e os subdominios correspondentes, son servizos administrados polo IES LAURO OLMO. Escolleuse esta plataforma de comunicación e traballo colaborativo por varias razóns entre as que destacamos:
- Alta dispoñibilidade do servizo 99%
- Integración de aplicacións de produtividade e colaboración con e-mail proporcionando un ecosistema de traballo corporativo.
- Gratuidade aínda contando coas mesmas condicións de servizo Google Workspace for Education.
- Elevada operatividade ao ser unha solución válida para dispositivos móbiles.
- Accesibilidade desde navegador web, sen necesidade de instalar software extra.
- Espazo ilimitado de almacenamento para todas as aplicacións.
Os administradores do dominio son as persoas do IES LAURO OLMO que baixo a supervisión do equipo directivo administran Google Workspace for Education. Serán os encargados da administración e xestión de contas e aplicacións no Panel de Control.
O conxunto de aplicacións principais de Google Workspace for Education descríbese en
http://www.google.com/enterprise/apps/education/products.html
O acceso das contas de Google Workspace for Education institucionais realízanse de forma unificada en:
As contas de Google Workspace for Education do IES LAURO OLMO constitúen un servizo a docentes, persoal de administración e servizos, alumnado e aos seus familiares que cursan neste centro ensino regrado.
As contas de Google Workspace for Education do IES LAURO OLMO serán creadas e utilizadas de acordo coas condicións establecidas no acordo subscrito entre o IES LAURO OLMO e Google. Os termos do acordo xenérico “Google Workspace for Education” poden consultarse no sitio web de Google Workspace for Education, na páxina: http://www.google.com/apps/intl/es/terms/education_terms.html
As contas de Google Workspace for Education do IES LAURO OLMO só poderán ser utilizadas polos docentes e persoal da administración e servizos que traballan no centro, e os alumnos e as súas familias que cursan ensino regrado no mesmo, en tarefas relacionadas coa súa actividade educativa.
A publicación e distribución de calquera tipo de contido mediante os servizos e aplicacións vinculadas ás contas de Google Workspace for Education do IES LAURO OLMO deberá de realizarse de acordo coa lexislación vixente sobre protección de datos e carácter persoal.
Queda estritamente prohibido o uso das contas de Google Workspace for Education do IES LAURO OLMO e de todos os servizos e aplicacións vinculados a elas, para actividades comerciais ou publicitarias.
As contas de Google Workspace for Education serán, salvo excepcións, nominais, e responderán sempre a unha persoa física, podendo xestionarse “Alias” para asignar outras direccións por cargo, departamento ou grupo.
Todo oficio, invitación ou trámite que non requira sinatura e selo institucional, poderase encamiñar vía correo electrónico institucional.
As persoas usuarias e representantes legais son responsables de todas as actividades realizadas coas súa contas de acceso e a súa caixa de correo asociada ao IES LAURO OLMO.
É unha falta grave facilitar e ofrecer o acceso á propia conta a persoas non autorizadas; a conta é persoal e intransferible.
É responsabilidade de cada persoa usuaria garantir a protección dos datos contidos nas aplicacións de Google Workspace for Education. Para isto poderán facer uso regular da aplicación Google Takeout ofrecido polo programa Data Liberation.
IES LAURO OLMO poderá crear contas para a administración de backups, así como habilitar LDAP e Single Sing On para a autenticación con terceiros servidores.
O centro educativo IES LAURO OLMO poderá dar de alta contas para o seu alumnado, para o que deberán seguir o procedemento que no seu momento se determine. Os únicos datos imprescindibles que se usarán para a creación da conta serán o nome e apelidos do alumno, tal como aparezan na aplicación de xestión administrativa da educación XADE unha vez feita a matrícula no centro educativo. O centro non se fará responsable doutros datos que o alumno complete no seu perfil, como teléfono móbil, fotografía, etc.
O uso de contas por parte do alumnado require manifestar a conformidade coa Política de Uso de Contas de Google Workspace for Education do IES LAURO OLMO por parte dos pais ou responsables legais do alumnado menor de 18 anos. No caso de maiores de idade, será o propio alumno o que manifeste a conformidade coa Política de Uso de Contas de Google Workspace for Education do centro educativo.
Cada alumno só poderá ter unha única conta de Google Workspace for Education do IES LAURO OLMO e o seu uso será exclusivo do ámbito escolar e educativo.
Cando o alumnado cause baixa no IES LAURO OLMO, procederase eliminar a súa conta, polo que o contido almacenado en Google Workspace for Education será completamente borrado. Será responsabilidade do alumno, se así o desexa, transferir o seu correo electrónico e arquivos de Google Drive a outra conta de Google antes de causar baixa definitiva no centro educativo.
O uso da conta deberá respectar, en todo momento, as normas de convivencia do centro e o seu incumprimento pode levar á limitación de acceso á mesma.
O centro educativo IES LAURO OLMO reserva o dereito a condicionar o uso das aplicacións segundo criterios pedagóxicos e a idade do alumnado.
No caso de existir indicios de que a conta dun alumno poida verse involucrada en casos graves de disciplina como ciberacoso, poderá ser intervida, suspendida ou supervisada pola Dirección do centro, mesmo sen previo aviso.
As contas de Google Workspace for Education do IES LAURO OLMO concédense a todo o persoal docente e persoal de administración e servizos en activo que traballan no noso centro. Estas contas teñen consideración de contas de traballo.
Os únicos datos imprescindibles que se usarán para a creación da conta, serán o nome e apelidos do interesado, sendo a conta creada exactamente igual á dispoñible no dominio @edu.xunta.gal pero no dominio @ieslauroolmo.org. Os datos obteranse da aplicación de xestión administrativa da educación XADE. O centro non se fará responsable doutros datos que o usuario complete no seu perfil, como teléfono móbil, fotografía, etc.
O uso de contas por parte do persoal docente e persoal de administración e servizos en activo que traballan no noso centro require manifestar a conformidade coa Política de Uso de Contas de Google Workspace for Education do IES LAURO OLMO para maiores de idade.
Cando un docente ou persoa de administración e servizos deixe de cumprir a súa condición de traballador en activo do centro, eliminarase a súa conta do IES LAURO OLMO, polo que o contido almacenado en Google Workspace for Education será completamente borrado. Será responsabilidade do usuario, se así o desexa, transferir o seu correo electrónico e arquivos de Google Drive a outra conta de Google antes de causar baixa definitiva no centro educativo.
O centro non recoñece e non se fai responsable do uso de contas persoais ou non institucionais por parte do profesorado e persoal de administración e servizos no desenvolvemento das tarefas e funcións que lle son asignadas e na comunicación interna e externa.
O persoal docente e persoal de administración e servizos en activo que traballa no centro só disporá dunha única conta de Google Workspace for Education do IES LAURO OLMO que revisará periodicamente.
En caso de indicios de faltas graves, o centro reserva o dereito a suspender , intervir ou eliminar a conta do docente ou persoal de administración e servizos. Caso de intervención ou eliminación da conta por este motivo, realizarase coa presenza da Dirección do centro (ou integrante do equipo directivo) e levantarase acta.
Google Workspace for Education é compatible co cumprimento de estándares rigorosos:
FERPA (Lei de Dereitos Educativos e de Confidencialidade da Familia).
Asociación da Industria do Software e da Información.
COPPA (Lei de Protección da Privacidade Infantil en Internet de 1998).
Promesa de Privacidade do Alumnado presentada polo Foro sobre o Futuro da Privacidade (FPF).
ISO/IEC 27018:2014 (estándares de datos)
Google ofrece unha Emenda para o Procesamento de Datos e as Cláusulas do Contrato Modelo (https://gsuite.google.com/terms/dpa_terms.html) como método adicional de seguridade e protección de datos que permite cumprir os requisitos de idoneidade e seguridade da Directiva de Protección de Datos do Parlamento Europeo e do Consello da Unión Europea.